Silahlı Qüvvələrə Yardım Fonduna daxil olan vəsait artıb
Müdafiə Nazirliyi Silahlı Qüvvələrə Yardım Fonduna 2016-cı ilin 11 ayında daxil olan vəsaitin məbləği barədə məlumat yayıb. Hesabata görə, 1 dekabr 2016-cı ilədək fonda 78,1 milyon manat, 212,3 min ABŞ dolları, 5,6 min avro və 5 min rubl daxil olub.
Novator.az bildirir ki, ötən ayın əvvəli ilə müqayisədə manat və avro hesabında artım var. 1 noyabr 2016-cı ilədək fonda 77,5 milyon manat, 4,7 min avro yığılmışdı.
Prezidentin 17 avqust 2002-ci il fərmanı ilə yaradılmış fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
