Mərkəzi Bank dollarla avronu bahalaşdırıb
Noyabrın 30-da Mərkəzi Bank ABŞ dollarını yenidən bahalaşdırıb. Novator.az-ın məlumatına görə, dolların kursu 1,7246 manatdan 1,7318 manata yüksəlib. Bu, 2016-cı ildə qeydə alınmış ən yuxarı rəsmi qiymətdir.
Digər valyutaların məzənnələrinə gəlincə, ötən gün 1,8278 manata təklif olunmuş avro 1,8417 manata satılır. Rusiya rublunun rəsmi kursu isə dəyişməz qalıb – 0,0266 manat.
22-ci aydır manat devalvasiyaya uğrayır. Mərkəzi Bankın 21 fevral 2015-ci il qərarı ilə ABŞ dollarının rəsmi məzənnəsi 1 manat 5 qəpik müəyyən edilib. 21 dekabr 2015-ci ildən isə üzən məzənnə rejiminə keçilib və qiymət 1 manat 55 qəpiyə qalxıb.
2015-ci ilin yanvar ayında dolların orta məzənnəsi 0,7844 manat idi.
