10 ayda Ermənistanın xarici ticarəti 6,1% artıb
2016-cı ilin yanvar-oktyabr aylarında Ermənistanın xarici ticarət dövriyyəsi 2015-in eyni dövrü ilə müqayisədə 6,1% artaraq 4 milyard 67 milyon dollar olub. Novator.az-ın məlumatına görə, Milli Statistika Xidməti bildirir ki, 10 ayda Ermənistanın ixracı ötən ilin müvafiq dövrü ilə müqayisədə 19,8% artıb, idxal isə 0,3% azalıb. İdxal ixracı üstələdiyi üçün xarici ticarətdə 1 milyard 159,6 milyon dollarlıq mənfi saldo yaranıb.
Ermənistanın Rusiya ilə xarici ticarət dövriyyəsinin həcmində 13,4%, MDB ölkələri ilə xarici ticarət dövriyyəsinin həcmində 9,8%, Avropa İttifaqı dövlətləri ilə ticarət dövriyyəsinin həcmində 0,7% artım qeydə alınıb. Ermənistanın digər ölkələrlə ticarət dövriyyəsinin həcmi də artıb: 6,6%.
Novator.az xatırladır ki, 2016-cı ilin yanvar-oktyabr aylarında Azərbaycanın xarici ticarətinin həcmi ötən ilin 10 ayına nisbətən 23,22% azalaraq 14 milyard 153,6 milyon ABŞ dolları olub.
