Qəzadan yeni məlumat
Novator.az bildirir ki, Kolumbiyadakı təyyarə qəzası barədə yeni məlumatlar var. Qəza Bakı vaxtı ilə noyabrın 29-u səhər baş verib. Boliviyadan Kolumbiyaya uçan təyyarə Medelyin şəhərinin yaxınlığında, dağlıq ərazidə yerə düşüb. Təyyarənin ikiyə bölündüyü bildirilir. Qeyd olunur ki, təyyarə ilə əlaqə itməzdən qabaq ekipaj üzvləri elektrik sistemində nasazlıqdan şikayətlənib.
9 ekipaj üzvü olan təyyarədə 72 sərnişin, o cümlədən Kolumbiyaya beynəlxalq oyuna gedən Braziliyanın “Şapekoense” futbol komandasının oyunçuları uçub. 75 nəfərin öldüyü, bəzi şəxslərin, o cümlədən bir neçə futbolçunun sağ qaldığı xəbər verilir.
