Dövlət dili qanununda yenilik
Noyabrın 29-da Milli Məclis “Azərbaycan Respublikasında dövlət dili haqqında” qanunda dəyişiklik edib. Novator.az-ın məlumatına görə, qanuna 7.1-1-ci maddə əlavə olunub.
Yeni maddəyə əsasən, reklam verənin tələbi ilə reklam qurğularındakı reklamın mətnində Azərbaycan Respublikasının dövlət dili ilə yanaşı digər dillərdən istifadə oluna bilər. Bu halda xarici dildə olan mətn dövlət dilində olan mətndən sonra yerləşdirilməli, dövlət dilində olan mətnin tutduğu sahədən kiçik olmalı və reklamın yerləşdiyi ümumi sahənin üçdə birindən çox olmamalıdır.
Mətndə digər dillərdə ifadə olunan əmtəə nişanı və coğrafi göstərici müvafiq icra hakimiyyəti orqanında qeydə alındığı formada göstərilməlidir.
