Yeni hökuməti köhnə baş nazir qurdu
Gürcüstanda yeni hökumətin qurulma prosesi başa çatıb. Novator.az-ın məlumatına görə, dövlət başçısı Georgi Margvelaşvili yenidən Georgi Kvirikaşvilini baş nazir təyin edib. Noyabrın 26-da parlamentdən etimad rəyi almış hökumətin üzvləri isə baş nazirin sərəncamı ilə dünən təyin olunublar.
Georgi Kvirikaşvilinin yeni hökuməti baş nazirin 2 müavinindən və 16 nazirdən ibarətdir.
Gürcüstanda hökuməti 150 yerlik parlamentə azı 76 mandat əldə edən partiya formalaşdırır. Bu ilin oktyabrında keçirilmiş parlament seçkisində hakim Gürcü Arzusu – Demokratik Gürcüstan Partiyası 115 mandat qazanaraq konstitusion çoxluq əldə edib.
Georgi Kvirikaşvili baş nazir postunu ötən ilin dekabr ayından tutur.
