Qazaxıstandakı terrora görə 7 nəfər ömürlük həbs cəzası aldı
Qazaxıstanın Aktobe şəhərində törədilmiş terrorda iştirak etməkdə təqsirli bilinən şəxslərdən 7 nəfərinə ömürlük həbs cəzası verilib.
Novator.az-ın məlumatına görə, hökm noyabrın 28-də Aktobe Şəhər Məhkəməsində çıxarılıb.
Aktobedə terror iyunun 5-də törədilib. Bir qrup dini radikal iki silah mağazasına və hərbi hissəyə hücum edib. Nəticədə 8 nəfər həlak olub. Onlardan 3-ü polis əməkdaşı, 5-i mülki şəxsdir. Anti-terror əməliyyatları zamanı terroçulardan 18 nəfəri öldürülüb, 9-u tutulub.
Hadisələrlə bağlı ümumilikdə 29 nəfər məhkəmə qarşısına çıxarılıb. Onlardan 9-u terrorçuluqda, 18-i hazırlanan terror planı haqda məlumatı dövlətdən gizlətməkdə, 2-si cinayəti ört-basdır etmək cəhdində təqsirli bilinib.
