Daxili İşlər Nazirliyi Katibliyinin rəisi dəyişib
Daxili İşlər Nazirliyi Katibliyinin rəisi dəyişib. Polis general-mayoru Nüsrət Şirinov Katibliyin rəisi postundan çıxarılaraq Baş Pasport, Qeydiyyat və Miqrasiya İdarəsinin rəisi təyin edilib.
APA-nın məlumatına görə, daxili işlər naziri general-polkovnik Ramil Usubovun imzaladığı əmrlə Katibliyin rəisi postuna Səfər Əliyev təyinat alıb. O, Baş Kadrlar İdarəsinin rəis müavini idi.
Novator.az bildirir ki, baş idarə səlahiyyətli Katiblik daxili işlər orqanlarının fəaliyyətinə dair vətəndaşlardan və təşkilatlardan daxil olan müraciətlərin qəbulunu, qeydiyyatını, vətəndaşların qəbulunu, kargüzarlıq işini, DİN sistemi üçün normativ-hüquqi aktların hazırlanması işinin təşkilini, nazirliyin səlahiyyətinə aid məsələlər üzrə qanunvericiliyin tətbiqi praktikasının ümumiləşdirilməsini, icra intizamına və məxfilik rejiminə nəzarəti, şifrteleqramlarla işi, normativ aktların çapı və çoxaldılması fəaliyyətini həyata keçirən müstəqil struktur hissədir.
