Ana müxalifətin prezidentliyə namizədi bəlli oldu
Fransada ana müxalifəti – sağ və mərkəzçi partiyaları 2017-ci ilin prezident seçkisində təmsil edəcək namizəd seçimi başa çatıb. Novator.az-ın məlumatına görə, namizədlik yarışının noyabrın 27-də keçirilən ikinci turunda sabiq baş nazirlər Fransua Fiyon və Alen Jüpe mübarizə aparıblar. İlkin nəticələrə əsasən, Fransua Fiyon 66,6 faiz səslə qalib gəlib. Alen Jüpeyə seçicilərin 34,4 faizi dəstək verib.
Fransua Fiyon 1954-cü ildə anadan olub. Xalq Hərəkatı Birliyi Partiyasının üzvüdür. Əmək və təhsil naziri postlarını tutub. 2007-2012-ci illərdə baş nazir olub.
2012-ci may ayından Fransada prezident postunu Sosialist Partiyasının təmsilçisi Fransua Oland tutur. Fransua Olandın 62 yaşı var.
