Ermənilər Dağlıq Qarabağ üçün pul yığdılar
Dünya ermənilərini birləşdirən “Ayastan” fondu noyabrın 24-də ənənəvi telemarafon keçirib. Novator.az xəbər verir ki, 12 saatlıq telemarafonda 15 milyon 428 min 777 dollar toplanıb. Vəsaitin əsas hissəsi işğal altında olan Azərbaycan torpağı Dağlıq Qarabağın müdafiəsi tədbirlərinə və sosial layihələrə xərclənəcək.
Fransada noyabrın 16-dən 20-nə kimi keçirilmiş telefon marafonunda eyni məqsədlə 1 milyon 352 min avro vəsait yığılıb.
1992-ci ildə yaradılmış “Ayastan” fondu indiyədək Ermənistanda və Dağlıq Qarabağda müxtəlif layihələrin gerçəkləşdirilməsi üçün 300 milyon dollara yaxın vəsait toplayıb.
Azərbaycanın Dağlıq Qarabağ bölgəsi 25 ilə yaxındır işğalçı rejimin nəzarətindədir. Ermənistan Silahlı Qüvvələri Dağlıq Qarabağdan əlavə 7 rayonu zəbt edib.
