Bu il Azərbaycanın xarici borcu 756,4 milyon dollar artıb
Maliyyə Nazirliyi Azərbaycanın 1 oktyabr 2016-cı ilə olan xarici dövlət borcunu açıqlayıb. Hesabata görə, xarici borc 7 milyard 650,7 milyon ABŞ dollarıdır (12 milyard 402,6 milyon manat).
Borca hökumətin birbaşa öhdəlikləri və dövlət zəmanəti ilə cəlb edilmiş kreditlər üzrə şərti öhdəliklər daxil edilib.
Novator.az bildirir ki, bundan əvvəlki hesabata görə, 1 aprel 2016-cı ilə Azərbaycanın xarici borcu 7 milyard 448,7 milyon ABŞ dolları (11 milyard 486,6 milyon manat) idi. Son 6 ayda xarici borc 202 milyon dollar artıb.
İlin əvvəlindən bəri isə 756,4 milyon dollar artım var. 1 yanvar 2016-cı ilə olan rəsmi hesabata əsasən, Azərbaycan Respublikasının xarici dövlət borcu 6 milyard 894,3 milyon ABŞ dolları olub.
