İKT reytinqi: Azərbaycan 175 ölkə arasında 58-cidir
BMT qurumu olan Beynəlxalq Elektrik Rabitəsi İttifaqı informasiya-kommunikasiya texnologiyalarının (İKT) inkişafı üzrə reytinq açıqlayıb. 2016-cı ilə dair hesabata əsasən, İKT reytinqinə Cənubi Koreya başçılıq edir.
Novator.az-ın məlumatına görə, informasiya-kommunikasiya texnologiyalarının inkişafı üzrə reytinq cədvəlinin birinci beşliyində İslandiya, Danimarka, İsveçrə və Böyük Britaniya da yer alır.
Reytinq cədvəlində Azərbaycan 175 ölkə arasında 58-ci yerdə qərarlaşıb.
Keçmiş SSRİ-nin digər ölkələrindən Belarus 31-ci, Rusiya 43-cü, Qazaxıstan 52-ci, Ermənistan 71-ci, Gürcüstan 72-ci, Ukrayna 76-cı, Özbəkistan 110-cu, Qırğızıstan 113-cü yerdədir.
