Bakıda 2, dağlarda 16 dərəcə şaxta olub
Ekologiya və Təbii Sərvətlər Nazirliyi hava şəraiti ilə bağlı məlumat yayıb. Qeyd olunur ki, ötən gecədən noyabrın 23-dək ölkədə yağıntılı hava şəraiti hökm sürüb, bəzi yerlərdə qar yağıb.
Yağıntının miqdarı Ağsuda 5, Lerikdə 4, İsmayıllı, Altıağac, Qəbələdə 3, Şabran, Yardımlıda 2, Oğuz, Şamaxı, Xaçmaz, Nabran, Lənkəran, Astara, Qazax, Sabirabad, Kürdəmir, Göyçay, Tərtər, Bərdə, Quba, Şəki, Daşkəsəndə 1, Bakı və Sumqayıtda 1 millimetr olub.
Qar örtüyünün hündürlüyü Altıağacda 8, Xınalıqda 4, Şabranda 3, Sarıbaş, İsmayıllı, Quba, Kəlvəzdə 1 santimetrə çatıb.
Bakıda və Abşeron yarımadasında 2 dərəcə şaxta, Aran rayonlarında 0-2, dağlıq rayonlarda 6-8, Naxçıvanda 7-11, Böyük Qafqazın yüksək dağlıq ərazilərində 13-16 dərəcə şaxta qeydə alınıb
