Dollar yenə yerində sayıb
Noyabrın 22-də ABŞ dollarının rəsmi məzənnəsi yenə sabit qalıb: 1,7091 manat. Bu qiymət ötən həftənin cümə günündən qüvvədədir.
Avro və Rusiya rublu isə bahalaşıb. Novator.az-ın məlumatına görə, Mərkəzi Bank avronun kursunu 1,8108 manatdan 1,8166 manata, rublun kursunu 0,0265 manatdan 0,0268 manata qaldırıb (Məzənnələr).
Oktyabrın ikinci ongünlüyündən dollarda yeni bahalaşma dalğası başlayıb, ayın sonuna rəsmi kurs 1,5969 manatdan 1,6381 manata yüksəlib. Noyabrda artım davam edib, ayın 2-də 1,6490 manata satılan dollar noyabrın 18-dək 1,7091 manata çatıb.
2016-cı ildə dolların ən aşağı rəsmi qiyməti mayda qeydə alınıb: 1,49 manat.
