16 dövlət əmlakı 2,1 milyon manata özəlləşdirildi
Əmlak Məsələləri Dövlət Komitəsi noyabrın 22-də növbəti hərrac keçirib. Rəsmi məlumata görə, açıq hərracda 16 dövlət əmlakı özəlləşdirilib. Həmin obyektlərin 2-si istifadəsiz qeyri-yaşayış sahəsi, 12-si kiçik dövlət müəssisəsi, 2-si səhmdar cəmiyyət olub. Hərrac nəticəsində əldə edilən 2,1 milyon manatdan çox vəsait dövlət büdcəsinə köçürüləcək.
Satılan istifadəsiz qeyri-yaşayış sahələri, o cümlədən kiçik dövlət müəssisələrinin 7-si paytaxtda, qalanları Sumqayıt, Abşeron, Cəlilabad, Xızı və Oğuzda yerləşir.
Noyabrın 29-da keçiriləcək növbəti hərraca 98 dövlət əmlakı çıxarılacaq.
