Üç hərbi hissədə yeni yaşayış kompleksləri istifadəyə verilib
Müdafiə naziri general-polkovnik Zakir Həsənov Hərbi Hava Qüvvələrinin cəbhə zonasında yerləşən üç hərbi hissəsində yeni istifadəyə verilmiş yaşayış komplekslərinin açılışında iştirak edib. Rəsmi məlumata görə, Müdafiə Nazirliyinin rəhbərliyi hava hücumundan müdafiə bölmələrinin döyüş texnika və vasitələrinə, yeni istifadəyə verilən qərargahlar, əsgər yataqxanaları, yeməkxanalar, qazanxanalar, tibb məntəqələri, xidməti və inzibati otaqlara baxış keçirib.
Hərbi hissələrin komandir və şəxsi heyəti ilə görüşən nazir müvafiq tapşırıqlar verib.
Zakir Həsənov tikintisi davam edən bir neçə hərbi obyektdə də olub və inşaat işlərinin gedişini yoxlayıb.
