Ölkələr üzrə ticarət statistikası
Dövlət Gömrük Komitəsinin yeni hesabatında bildirilir ki, 2016-cı ilin yanvar-oktyabr aylarında Azərbaycanın xarici ticarətinin həcmi ötən ilin 10 ayına nisbətən 23,22% azalıb. 2015-ci ilin yanvar-oktyabr ayları ilə müqayisədə idxal əməliyyatlarında 6,64%, ixrac əməliyyatlarında 34,48% geriləmə qeydə alınıb.
Novator.az Azərbaycanın 10 aylıq ixracında bəzi ölkələr üzrə rəqəmlərə nəzər salıb.
Hesabata görə, ABŞ-a ixrac ötən ilin 10 ayı ilə müqayisədə 75,47 faiz azalıb.
Avropa İttifaqı ölkələrinə ixracda Böyük Britaniya üzrə 757,53 faiz artım qeydə alınıb, Almaniyaya ixrac isə 52,63 faiz azalıb.
2016-cı ilin yanvar-oktyabr aylarında Azərbaycandan Belarusa ixracda ötən ilin müvafiq dövrü ilə müqayisədə 80,11 faiz artım var.
Qazaxıstana ixrac 74,08, Qırğızıstana ixrac 24,21, Moldovaya ixrac 376,42, Tacikistana ixrac 95,09, Türkmənistana ixrac 249,58, Ukraynaya ixrac 136,2 faiz artıb.
Rusiyaya ixrac ötən ilin 10 ayı ilə müqayisədə 5,74 faiz, Özbəkistana ixrac 75,98 faiz azalıb.
Ukraynadan idxal 2015-ci ilin yanvar-oktyabr ayları ilə müqayisədə 11,13% azalıb. Almaniyadan idxalda 44,3%, Fransadan idxalda 26,59%, ABŞ-dan idxalda 46,09% geriləmə var. İsraildən idxal 25,27% azalıb.
Bəzi ölkələrdən isə idxal artıb. Türkmənistandan idxalda 51,76%, Qazaxıstandan idxalda 13,37%, Moldovadan idxalda 1,68%, Özbəkistandan idxalda 40,93% artım qeydə alınıb.
Avropa İttifaqına nəzər salanda Böyük Britaniyadan idxalın 7,65% çoxaldığını görmək olar.
Digər ölkələrə gəlincə, Birləşmiş Ərəb Əmirliklərindən idxal 12,94%, Çindən idxal 35%, İrandan idxal 61,59% artıb.
