İki sahəyə 1 milyon 463 min manat ayrıldı
Dövlət başçısı ipəkçiliyin və fındıqçılığın inkişafına dəstəyin gücləndirilməsi ilə bağlı əlavə tədbirlərə sərəncam verib. Sərəncama əsasən, barama toxumlarının, tut (çəkil) tinglərinin və fındıq pöhrələrinin tədarük edilib məhsul istehsalçılarına əvəzsiz verilməsinə 1 milyon 463 min manat ayrılır. Vəsaitin 163 min manatı barama toxumlarının, 600 min manatı tut (çəkil) tinglərinin, 700 min manatı fındıq pöhrələrinin alınması üçün nəzərdə tutulub.
Kənd Təsərrüfatı Nazirliyi tədarük olunan barama toxumlarının, tut (çəkil) tinglərinin və fındıq pöhrələrinin bölgələrin tələbatı nəzərə alınmaqla məhsul istehsalçılarına əvəzi ödənilmədən paylanmasını təmin etməlidir.
