Baş nazirliyə namizədin adı açıqlanıb
Litvada baş nazir postuna namizədin adı açıqlanıb. Noyabrın 17-də prezident Dalya Qribauskayte sabiq daxili işlər naziri Saulyus Skvernyalisi parlamentə hökumət başçısı postuna namizəd kimi təqdim edib. Saulyus Skvernyalis parlamentə Kəndlilər və Yaşıllar İttifaqından seçilib.
Novator.az-ın məlumatına görə, Dalya Qribauskayte bildirib ki, hakim koalisiya formalaşıb və Saulyus Skvernyalis parlament seçkisində cəmiyyətin etimadını qazanmış qüvvənin təmsilçisidir.
Litvada parlament seçkisi oktyabr ayında keçirilib. 141 yerlik parlamentdə Kəndlilər və Yaşıllar İttifaqının 59 deputatı var və bu partiya 19 mandata sahib Sosial Demokrat Partiyası ilə koalisiya qurub.
