Yeni hesabat: ixrac idxalı 237,7 milyon dollar üstələyib
Azərbaycanın xarici ticarət göstəriciləri açıqlanıb. Novator.az-ın məlumatına görə, Dövlət Gömrük Komitəsinin hesabatında bildirilir ki, 2016-cı ilin yanvar-oktyabr aylarında Azərbaycanın xarici ticarətinin həcmi ötən ilin 10 ayına nisbətən 23,22% azalaraq 14 milyard 153,6 milyon ABŞ dolları olub.
2015-ci ilin yanvar-oktyabr ayları ilə müqayisədə idxal əməliyyatlarında 6,64%, ixrac əməliyyatlarında 34,48% geriləmə qeydə alınıb.
İxrac (7 milyard 195,6 milyon dollar) idxalı (6 milyard 957,9 milyon dollar) 237,7 milyon dollar üstələyib.
Rəsmi hesabata əsasən, yanvar-oktyabr aylarında 174 ölkə ilə ticarət əməliyyatları aparılıb.
2016-cı ilin 10 ayında Gömrük Komitəsinin xətti ilə dövlət büdcəsinə 1 milyard 833 milyon manat daxil olub.
