Azərbaycanın əsas xarici ticarət tərəfdaşları bəlli olub
2016-cı ilin 10 ayında Azərbaycanın xarici ticarət dövriyyəsində əsas ölkə Türkiyə olub. Novator.az-ın məlumatına görə, Dövlət Gömrük Komitəsi bildirir ki, Türkiyə ilə ticarətin həcmi ümumi dövriyyənin 12,91 faizini təşkil edib (Hesabat).
İtaliya Azərbaycanın xarici ticarət tərəfdaşları arasında 11,16 faizlə ikinci, Rusiya 10,87 faizlə üçüncü ölkədir.
İxracda əsas ölkələrin siyahısına 18,15 faizlə İtaliya başçılıq edir. Türkiyə ikinci (12,12 faiz), Tayvan üçüncüdür (8,57 faiz).
Yanvar-oktyabr aylarında idxalda əsas ölkələrin ilk üçlüyü belə olub: Rusiya (17,75 faiz), Türkiyə (13,72 faiz), Çin (8,08 faiz).
Bu ilin 10 ayında MDB ölkələri üzrə ixrac ötən ilin müvafiq dövrü ilə müqayisədə 22,04 faiz artıb. Avropa İttifaqı üzrə ixracda 43,79 faiz, digər ölkələr üzrə ixracda 28,05 faiz azalma olub.
2016-cı ilin yanvar-oktyabr aylarında MDB ölkələrindən idxal 2015-ci ilin müvafiq dövrü ilə müqayisədə 0,75 faiz artıb. Avropa İttifaqı ölkələri üzrə idxalda 17,26 faiz azalma var. Digər ölkələrdən idxal isə ötən ilin müvafiq dövrü ilə müqayisədə 3,21 faiz aşağı düşüb.
