5 min rublluq layihə Federasiya Şurasından da keçdi
Novator.az xəbər verir ki, noyabrın 16-da Rusiya parlamentinin yuxarı palatası – Federasiya Şurası pensiyaçılara birdəfəlik müavinəti nəzərdə tutan qanunu qəbul edib. Layihə aşağı palatadan – Dövlət Dumasından noyabrın 11-də keçmişdi.
Qanuna əsasən, Pensiya Fondu 2017-cı ilin yanvarında pensiyaçılara birdəfəlik 5 min rubl (130 manat) ödəyəcək.
Rusiya hökuməti gələn il üçün pensiyaları inflyasiya həddinə uyğunlaşdırmaqdan (indeksasiya) imtina etdiyi üçün birdəfəlik müavinət variantına əl atıb.
