244 biznes-plan xeyir-dua alıb
Əmək və Əhalinin Sosial Müdafiəsi Nazirliyinin özünüməşğulluq proqramı üzrə təşkil etdiyi təlim kurslarına indiyədək 68 şəhər və rayon üzrə 1295 nəfər işaxtaran və işsiz vətəndaş cəlb edilib, 469 nəfər bu kursları başa çatdırıb.
Nazirlik bildirir ki, kursları bitirənlərin 3 meyar ilə aparılan qiymətləndirmə prosesində 469 nəfər şəxsdən 16 rayon üzrə 304 nəfər öz biznes-planları ilə iştirak edib, 244 nəfərin biznes-planları uğurlu hesab edilib. Müsbət qiymətləndirilmiş həmin biznes-planların 83,6 faizi kənd təsərrüfatı, 9,4 faizi xidmət, 6,6 faizi istehsal və 0,4 faizi ticarət sahəsini əhatə edir.
Növbəti qiymətləndirmə noyabrın 24-25-nə planlaşdırılıb.
