Rusiyada nazir rüşvət alarkən tutulub
Rusiyanın İstintaq Komitəsi iqtisadi inkişaf naziri Aleksey Ulyukayevə cinayət işi qaldırıb. Novator.az-ın məlumatına görə, nazir 2 milyon dollar rüşvət almaqda təqsirli bilinir.
Noyabrın 15-də İstintaq Komitəsi bəyan edib ki, nazir “Başneft” şirkətinin aksiyalarının alınmasına razılıq vermək üçün “Rosneft” şirkətinin təmsilçilərinə hədə-qorxu gələrək rüşvət tələb edib və 2 milyon dollar alarkən tutulub.
Əməliyyatı Federal Təhlükəsizlik Xidmətinin keçirdiyi bildirilir.
Ötən ay “Rosneft” “Başneft”in aksiyalarının bir hissəsini 329,7 milyard rubla alıb.
60 yaşlı Aleksey Ulyukayev iqtisad elmləri doktorudur. İqtisadi inkişaf naziri postunu 2013-cü ildən tutur.
