Dolların yüksəlişi dayanıb
Mərkəzi Bank noyabrın 15-də ABŞ dollarının kursunu dəyişməyib. Novator.az-ın məlumatına görə, dollar ötən gün olduğu kimi 1,6954 manata təklif edilir.
Xarici valyutaların böyük qismi isə ucuzlaşıb. Avronun rəsmi kursu 1,8307 manatdan 1,822 manata, rublun məzənnəsi 0,0259 manatdan 0,0257 manata enib (Məzənnələr).
Oktyabrın ikinci ongünlüyündən dollarda yeni bahalaşma dalğası başlayıb, ayın sonuna rəsmi kurs 1,5969 manatdan 1,6381 manata çatıb. Noyabrda artım davam edib. Ayın 2-dən dollara 1,6490 manata qiymət qoyulub, noyabrın 4-dən kurs 1,6596 manat, noyabrın 8-dən 1,6686 manat, noyabrın 10-dan 1,6782 manat, noyabrın 11-dən 1,6869 manat, noyabrın 14-dən 1,6954 manat müəyyən olunub.
