Sosial xidmət müəssisələrində 1102 nəfər yaşayır
Əmək və Əhalinin Sosial Müdafiəsi Nazirliyinin rəsmi hesabatına görə, sosial xidmət müəssisələrində 1102 nəfər tam dövlət təminatında yaşayır, stasionar şəraitdə sosial xidmətlərlə təmin olunur. Həmin insanların 771 nəfəri 18 yaşdan yuxarı şəxslərdir. 230 nəfər müharibə və əmək əlilləri üçün pansionatda, qalan şəxslər psixonevroloji sosial xidmət müəssisələrində yaşayır.
Sosial xidmət müəssisələrindəki şəxslərdən 331 nəfəri sağlamlıq imkanları məhdud 18 yaşadək uşaqlardır.
Hesabata əsasən, sosial xidmət müəssisələrində yaşayan şəxslərin doğma ailə mühitinə qayıtmaları üçün işlər davam etdirilir. 2016-cı ildə həmin müəssisələrdən 45 nəfər doğma ailələrinə qayıdıb.
