Moldova sosialistə üstünlük verdi
Sosialist Partiyasından İqor Dodon Moldovada noyabrın 13-də keçirilmiş prezident seçkisinin ikinci turunda qələbə çalıb. Novator.az-ın məlumatına görə, ilkin nəticələrə əsasən, İqor Dodon 54,47% səslə önə çıxıb. Sağ qüvvələrin vahid namizədi Mayya Sandu 45,53% səs toplayıb.
41 yaşlı İqor Dodon iqtisad elmləri doktorudur. Moldova hökumətində müxtəlif postlar, o cümlədən baş nazirin birinci müavini, iqtisadiyyat və ticarət naziri vəzifələrini tutub. Sosialist Partiyasının sədri, Moldova Şahmat Federasiyasının prezidentidir.
2000-ci ildən Moldovada prezidenti parlament seçib. Bu ildən prezidentin ümumxalq səsverməsi yolu ilə seçilməsi üsuluna qayıdılıb. Həmin sistemlə son prezident seçkisi 1996-cı ildə olub.
