General Bolqarıstan prezidenti seçildi
Bolqarıstanda prezident seçkisinin ikinci turunun nəticələri açıqlanıb. Novator.az-ın məlumatına görə, noyabrın 13-də keçirilmiş ikinci turda Hərbi Hava Qüvvələrinin sabiq komandanı, Bolqarıstan Sosialist Partiyasından namizəd Rumen Radev qələbə çalıb. Rusiya ilə yaxınlaşmaq tərəfdarı olan 53 yaşlı general-mayor səslərin 59,35%-ni toplayıb.
Avropa İttifaqı tərəfdarlarını birləşdirən hakim GERB Partiyasından namizəd, Bolqarıstan parlamentinin sədri Setska Saçeva 36,15% səs alıb.
Seçicilərin 4,48%-i hər iki namizədin əleyhinə səs verib.
İlkin nəticələr açıqlandıqdan sonra hakim partiyanın təmsilçisi olan baş nazir Boyko Borisov istefa verdiyini bəyan edib.
