Ermənistanla birgə ordu qrupu: daha bir addım atıldı
Novator.az-ın məlumatına görə, prezident Vladimir Putin Rusiya və Ermənistanın birləşmiş ordu qrupunun yaradılması barədə saziş bağlanmasına sərəncam verib. Müdafiə Nazirliyinə Xarici İşlər Nazirliyinin iştirakı ilə Ermənistanla müzakirə aparmaq və razılıq əldə olunacağı təqdirdə sazişi imzalamaq tapşırılıb.
Bu il avqustun 16-da Ermənistanın paytaxtı Yerevana səfər edən Rusiya müdafiə naziri erməni həmkarı görüşdə hərbi əməkdaşlıq məsələlərini müzakirə edib. Görüşdə iki ölkənin birləşmiş ordu qrupunu yaratmaq barədə razılaşmaya gəlinib, birləşmiş ordu qrupunun radiasiya, kimya sahəsində və bioloji sahədə iş birliyi sazişi imzalanıb.
Bu il sentyabrın 21-i Ermənistan paytaxtı Yerevanın Azadlıq meydanında hərbi parad keçirilib. Dövlət müstəqilliyinin 25 illiyinə həsr olunmuş parada Ermənistan-Rusiya birləşmiş qoşun qrupunun komandanı general-mayor Andranik Makaryan rəhbərlik edib.
