Dollar yuxarı üz tutub
Noyabrın 14-də Mərkəzi Bank ABŞ dollarının kursunu 1,6869 manatdan 1,6954 manata qaldırıb.
Avro və Rusiya rublunda isə ucuzlaşma qeydə alınıb. Novator.az-ın məlumatına görə, avronun rəsmi kursu 1,8397 manatdan 1,8307 manata, rublun məzənnəsi 0,026 manatdan 0,0259 manata düşüb (Məzənnələr).
Dollarda yeni bahalaşma dalğası oktyabrın ikinci ongünlüyündə başlayıb. Novator.az bildirir ki, oktyabrın 18-də 1,5969 manata satılan dollar ayın son günündə 1,6381 manata təklif olunub.
Noyabra gəlincə, ayın 2-dən dollara 1,6490 manata qiymət qoyulub, noyabrın 4-dən kurs 1,6596 manat, noyabrın 8-dən 1,6686 manat, noyabrın 10-dan 1,6782 manat, noyabrın 11-dən 1,6869 manat müəyyən olunub.
