Trampın xanımı
Novator.az ABŞ-ın yeni seçilmiş prezidenti Donald Trampın həyat yoldaşının – ölkənin gələcək birinci xanımı Melanya Trampı təqdim edir.
Noyabrın 8-i ABŞ-da keçirilmiş prezident seçkisi Respublikaçılar Partiyasının namizədi Donald Trampın qələbəsi ilə başa çatıb. Onun əsas rəqibi Demokratlar Partiyasından Hillari Klinton olub.
Melanya Tramp (qızlıq soyadı Knavs, təxəllüsü Knauss) 1970-cı il aprelin 26-da Sloveniyanın Sevnitsa şəhərində anadan olub. O, Lyublyana Universitetinə memarlıq və dizayn ixtisası üzrə daxil olsa da, birinci kursdan təhsili atıb və İtaliyanın Milan şəhərinə gedərək model fəaliyyətinə başlayıb.
Melanya Knavs Donald Trampla 1999-cu ildə tanış olub. Onların münasibəti Melanya professional model kimi Nyu-Yorkda çıxış etməyə başlayandan möhkəmlənib. 2004-cü ildə Donaldla Melanya nişanlanıblar, 2005-ci il yanvarın 22-də evləniblər. Onların toyunda 8 noyabr seçkisində Donald Trampın rəqibi olmuş Hillari Klinton da iştirak edib.
2006-cı il martın 20-də cütlüyün oğlu dünyaya gəlib. Berron Tramp Donaldın 5-ci övladıdır.
Donald Trampın ilk həyat yoldaşı çex model İvanka Zelniçkova olub. Onların izdivacı 15 il (1977-1992) çəkib.
1993-cü ildən 1999-cu ilədək Donald amerikalı aktrisa və prodüser Marle Meyplzlə ailə həyatı yaşayıb.
Bu iki nikahdan Donaldın dörd övladı var.
