Konqresin tərkibi necə dəyişib?
Noyabrın 8-i ABŞ-da prezidentlə yanaşı Konqresin (parlament) bəzi üzvləri də seçilib.
Prezident seçkisində Respublikaçılar Partiyasından Donald Tramp qalib gəlib. O, əsas rəqibi, Demokratlar Partiyasından Hillari Klintonu geridə qoyaraq ABŞ-ın 45 prezidenti olub.
ABŞ Konqresi Nümayəndələr Palatası (aşağı palata) və Senatdan (yuxarı palata) ibarətdir.
Novator.az bildirir ki, 8 noyabr seçkilərindən sonra 435 nəfərlik Nümayəndələr Palatasında 238 respublikaçı, 193 demokrat var. 4 yer boşdur.
100 nəfərlik Senatın üzvlərinin 51-i respublikaçı, 48-i isə demokratdır. 1 senatorun kimliyi hələ məlum deyil.
Konqresin əvvəlki tərkibində Respublikaçılar Partiyası Nümayəndələr Palatasında 246, Demokratlar Partiyası 186 mandata sahib idi. Senatda isə 54 respublikaçı, 44 demokrat, 2-i partiyasız vardı.
