Dövlət Sərhəd Xidmətinin oktyabr hesabatı
Dövlət Sərhəd Xidməti 2016-cı ilin oktyabr ayı ilə bağlı hesabat yayıb. Qeyd olunur ki, ötən ay dövlət sərhədini pozan 25 nəfər tutulub. Onların 13 nəfəri Azərbaycan, 3 nəfəri Gürcüstan, 3 nəfəri Özbəkistan, 2 nəfəri Tacikistan, 2 nəfəri Rusiya, 1 nəfəri İran, 1 nəfəri Türkiyə vətəndaşıdır.
Sərhəd rejim qaydalarını pozarkən yaşıl sərhəddə 18 nəfər, Xəzər dənizində 35 nəfər, sərhəd nəzarəti məntəqələrində 823 nəfər saxlanıb, barələrində müvafiq tədbirlər görülüb.
Azərbaycanın hüquq mühafizə orqanlarının axtardığı 369 nəfər aşkarlanaraq aidiyyəti orqanlara təhvil verilib.
Ay ərzində 7 kiloqram 127,6 qram narkotik maddə aşkar edilərək götürülüb, ümumi dəyəri təqribən 698 min 574 manat olan qaçaqmal saxlanıb.
