Bu il 252 Qarabağ müharibəsi əlili və şəhid ailəsi mənzil alıb
Neftçala rayonunda inşa edilən 10 fərdi yaşayış evi Qarabağ müharibəsi əlilləri və şəhid ailələrinin istifadəsinə verilib. Noyabrın 10-da rəsmi məlumat yayan Əmək və Əhalinin Sosial Müdafiəsi Nazirliyi bildirib ki, yaşayış evlərinin 6-sı Qarabağ müharibəsi əlillərinə, 4-ü şəhid ailələrinə təqdim olunub.
Nazirliyin hesabatına görə, bu il Azərbaycanın 30 rayonunda 134 fərdi yaşayış evi, Abşeron rayonunda 64 mənzil, Beyləqanda 54 mənzilli yaşayış binası istifadəyə verilib, 252 nəfər Qarabağ müharibəsi əlili və şəhid ailəsi mənzillə təmin edilib.
