Dövlət fondu nə qədər əcnəbi qeydə alıb?
Bu ilin yanvar-oktyabr aylarında Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun fərdi uçot sistemində 5493 nəfər əcnəbiyə şəxsi hesab açılıb. Rəsmi hesabata görə, 1 noyabr 2016-cı ilə sistemdə fərdi şəxsi hesabı olan xarici ölkə vətəndaşlarının sayı ilin əvvəli ilə müqayisədə 19,7 faiz artaraq 33 min 355 nəfərə çatıb.
Fərdi uçot sistemində qeydiyyatı olan əcnəbilər 120 ölkəni təmsil edirlər. Onların arasında Türkiyə (15482 nəfər), Gürcüstan (3235 nəfər) və Rusiya (1922 nəfər) vətəndaşları çoxdur.
Sistemdə Özbəkistandan (1758 nəfər), Hindistandan (1416 nəfər), İrandan (1043 nəfər), Çindən (921 nəfər), Banqladeşdən (859 nəfər), Pakistandan (701 nəfər), Böyük Britaniyadan (665 nəfər), Ukraynadan (549 nəfər), Türkmənistandan (322 nəfər), Filippindən (301 nəfər), ABŞ-dan (285 nəfər), Almaniyadan (266 nəfər), Qazaxıstandan (254 nəfər), İtaliyadan (214 nəfər) və s. ölkələrdən olan əcnəbilər qeydiyyatdadır.
