Pambıq və tütün istehsalçılarına subsidiya verilməsi qaydası təsdiqləndi
Nazirlər Kabineti pambıq və tütün istehsalçılarına dövlət büdcəsinin vəsaiti hesabına subsidiya verilməsi qaydasını təsdiq edib. Novator.az bildirir ki, qaydaya əsasən, istehsalçılara emal müəssisələrinə satdıqları xam pambığın hər kiloqramına (kondisiya çəkisində) görə 1 qəpik, quru tütünün hər 1 kiloqramına, yaş tütünün isə hər 10 kiloqramına görə 5 qəpik məbləğində subsidiya verilir.
Subsidiya istehsalçı hüquqi şəxslərin hesablaşma hesablarına və fiziki şəxslərin cari (xüsusi kart) hesablarına köçürülməklə ödənir.
Rayon (şəhər) üzrə istehsalçılara subsidiyanın verilməsi ilə bağlı işlərin təşkilini Kənd Təsərrüfatı Nazirliyinin rayon və şəhər idarələri həyata keçirir.
Subsidiya Nazirlər Kabinetinin 15 fevral 2007-ci il qərarı ilə yaradılmış Respublika Komissiyasının qərarı əsasında verilir (Qayda).
