Gürcüstan hərbi çağırış sistemini bərpa edir
Gürcüstanda həqiqi hərbi xidmətə çağırış bərpa olunur. Novator.az-ın məlumatına görə, müdafiə naziri Levan İzoriya noyabrın 7-də belə açıqlama verib.
Əvvəlki müdafiə naziri Tinatin Xidaşeli 2015-ci ilin yayında həqiqi hərbi xidmətin ləğvi barədə əmr imzalayıb. O bildirirdi ki, Silahlı Qüvvələrə məcburi şəkildə xidmət edən cavanlar lazım deyil.
Levan İzoriya həqiqi hərbi xidmətin yenilənmiş formada bərpa olunacağını deyib: “Çağırışçılar tam ibtidai hazırlıq keçəcəklər. Onların aylığı 50 lariyə (20 ABŞ dolları) qədər artırılacaq. Əsgərlərin qeyri-iş günündən istifadə imkanı da olacaq”.
Gürcüstanda həqiqi hərbi xidmətə 18-27 yaşlı ölkə vətəndaşları çağırılır.
