DSMF qeydiyyat hesabatı verib
Bu ilin yanvar-oktyabr aylarında Dövlət Sosial Müdafiə Fondunun fərdi uçot sistemində əlavə olaraq 156 min 758 nəfər, o cümlədən oktyabr ayında 20 min 234 nəfər üçün fərdi şəxsi hesab açılıb. Əmək və Əhalinin Sosial Müdafiəsi Nazirliyinin hesabatına görə, 1 noyabr 2016-cı ilə fərdi uçot sistemində qeydiyyatda olanların sayı 3 milyon 336 min 912 nəfərə çatıb.
Sistemdə qeydiyyatda olanların 20,2 faizi 30 yaşa qədər, 25,5 faizi 30-40 yaşlarında, 20,1 faizi 40-50 yaşlarında, 21,1 faizi 50-60 yaşlarında olan şəxslərdir. Dövlət Sosial Müdafiə Fondunda fərdi şəxsi hesabı açılan vətəndaşların qalan hissəsi 60 yaşdan yuxarıdır.
