Çevriliş cəhdinə görə tutulan biznesmenə 21 il iş kəsildi
Noyabrın 7-də Qazaxıstanın paytaxtı Astanada hərbi məhkəmə biznesmen Toxtar Tuleşova 21 il həbs cəzası kəsib. O, hakimiyyəti zorla ələ keçirməyə cəhddə, narkotik vasitələrin qanunsuz dövriyyəsində və başqa cinayətlərdə təqsirli bilinib. Biznesmenə Cinayət Məcəlləsinin 16 maddəsi üzrə hökm oxunub.
Məhkəmə Toxtar Tuleşovun qeyri-qanuni yolla əldə etdiyi əmlakın müsadirəsi barədə də qərar çıxarıb. Hökmə görə, biznesmen kommersiya və ictimai təşkilatlarda rəhbər vəzifələr tutmaqdan ömürlük məhrum olunub. O, həbs cəzasını ciddi rejimli həbsxanada çəkəcək.
Toxtar Tuleşov və daha bir neçə şəxs bu ilin yanvarında tutulublar. 2016-cı ilin iyunun əvvəllərində isə Qazaxıstanın Milli Təhlükəsizlik Komitəsi ölkədə dövlət çevrilişinə cəhd göstərən qrupun üzvlərini həbs edib. Dövlət Təhlükəsizliyi Komitəsi çevrilişə cəhd qrupuna Toxtar Tuleşovun başçılıq etdiyini bildirib.
