Bolqarıstanda 21 namizəddən 2-si qaldı
Bolqarıstanda noyabrın 6-da keçirilmiş prezident seçkisi qalibi müəyyən etməyib. Novator.az-ın məlumatına görə, 21 namizədin yarışdığı ilk turda Hərbi Hava Qüvvələrinin sabiq komandanı, Bolqarıstan Sosialist Partiyasından namizəd Rumen Radev önə çıxıb. General Radevin 26%-dək səs topladığı bildirilir.
Avropa İttifaqı tərəfdarlarını birləşdirən hakim GERB Partiyasından namizəd, Bolqarıstan parlamentinin sədri Setska Saçeva 22%-ə yaxın səs alıb.
Noyabrın 13-də keçiriləcək ikinci turda Radevlə Saçeva üz-üzə gələcək.
