Türkiyədə 11 deputat tutulub
Noyabrın 4-ü Türkiyədə Xalqların Demokratik Partiyasının həmsədrləri Səlahəddin Dəmirtaş və Figən Yüksəkdağ da daxil olmaqla 11 deputat tutulub. Novator.az xəbər verir ki, deputatlar terrora dəstəkdə ittiham olunur.
Daxili İşlər Nazirliyinin açıqlamasına görə, Səlahəddin Dəmirtaş, Figən Yüksəkdağ, Fərhad Encü, Leyla Birlik, Abdulla Zeydan, Səlma İrmak, İdris Baluken, Sırrı Sürəyya Öndər, Gülser Yıldırım, Ziya Pir və Nursel Aydoğan saxlanıb.
Barələrində saxlanma qərarı çıxarılan deputatlar Faysal Saryıldız, Tuğba Öztürk xaricdədirlər.
Kürdləri birləşdirən Xalqların Demokratik Partiyası parlamentdə 59 deputatla təmsil olunur. Hakimiyyət bu partiyanı terrorçu qurum PKK-ya dəstəkdə günahlandırır.
