“Qarabağ” əlidolu döndü, “Qəbələ” ələndi
Azərbaycanın iki futbol komandası noyabrın 3-də Avropa Liqasının qrup mərhələsində növbəti oyunlar keçirib. “Qarabağ” səfərdə Yunanıstanın PAOK komandası ilə üz-üzə gəlib. Salonikidəki “Tumba” stadionunda keçirilən oyunda “Qarabağ” 1:0 hesabı ilə üstün gəlib.
J qrupunda yarışan “Qarabağ” dörd turdan sonra 7 xalla ikinci pillədə qərar tutub. İtaliyanın “Fiorentina” komandası 10 xalla qrup lideridir. PAOK-un 4, Çexiyanın “Slovan” klubunun 1 xalı var.
C qrupunda yarışan “Qəbələ” isə Bakıdakı “8-ci kilometr” stadionunda Fransanın “Sent-Etyenn” komandasına məğlub olub – 1:2. Dörd turdan sonra xal qazana bilməyən “Qəbələ” mərhələ adlamaq şansını itirib (Qruplarda vəziyyət).
