Neft Fondu 60 qurum arasında 4-cü şəffaf təsisat seçilib
Azərbaycanın Dövlət Neft Fondu suveren fondların şəffaflıq və hesabatlılıq cədvəlində 92 xalla 60 fond arasında 4-cü yerdə qərarlaşıb. Rəsmi məlumata görə, Beynəlxalq İqtisadiyyat üzrə Peterson İnstitutunun təqdim etdiyi hesabatda şəffaflıq sarıdan ilk yerdə Norveçin Pensiya Fondu dayanır. Yeni Zelandiyanın Pensiya Fondu 2-ci, ABŞ-ın Vayominq Mineral Trast Fondu 3-cü, Kanadanın Alberta Mirası Trast Fondu 5-cidir.
Beynəlxalq İqtisadiyyat üzrə Peterson İnstitutu 1981-ci ildə təsis edilib, özəl və qeyri-kommersiya təşkilatı kimi beynəlxalq iqtisadiyyatın araşdırılması sahəsində ixtisaslaşıb.
Azərbaycanın Dövlət Neft Fondu 29 dekabr 1999-cu ildə yaradılıb.
