142 və 190-ya nə qədər müraciət olunub?
Oktyabr ayında Əmək və Əhalinin Sosial Müdafiəsi Nazirliyinin 142 və 190 çağrı mərkəzlərinə 20 331 müraciət daxil olub. Rəsmi hesabata görə, müraciətlərin 19 584-ü və ya 96,3 faizi Əmək və Əhalinin Sosial Müdafiəsi Nazirliyinin fəaliyyət dairəsinə aid məsələlərlə əlaqədar sorğu xarakteri daşıyıb. 747 müraciət isə baxılmaq üçün nazirliyin müvafiq struktur bölmələrinə göndərilib.
142 və 190-a müraciətlərin 29 faizi sosial təminat, 10,9 faizi əmək qanunvericiliyi, 20,6 faizi nazirliyin elektron xidmətlərindən istifadə, 5,3 faizi tibbi-sosial ekspertiza və əlilliyi olan şəxslərin reabilitasiyası məsələlərinə aid olub, 6,9 faizi məşğulluğun təminatı, 3 faizi fərdi uçotun təşkili, 8,4 faizi pensiya və müavinətlər, 10,5 faizi məcburi dövlət sosial sığorta, 5,4 faizi avtomatlaşdırılmış pensiya təyinatı məsələlərini əhatə edib.
Sosial təminat sahəsində müraciətlərin sayı oktyabr ayında 14,8 faiz azalıb. Nazirliyin elektron xidmətlərindən istifadə məsələləri ilə bağlı müraciətlərin sayı 31,1 faiz, avtomatlaşdırılmış pensiya təyinatı məsələləri ilə bağlı müraciətlərin sayı 49,8 faiz çoxalıb.
