Valyuta ehtiyatı barədə hesabat açıqlanıb
Mərkəzi Bank rəsmi valyuta ehtiyatı və pul bazası barədə hesabat açıqlayıb. Hesabata görə, noyabrın 1-nə Mərkəzi Bankın 4 milyard 5,5 milyon ABŞ dolları həcmində valyuta ehtiyatı olub. Novator.az bildirir ki, oktyabr ayında valyuta ehtiyatı 127,2 milyon dollar azalıb. 9 ayın yekununda Mərkəzi Bankın 4 milyard 132,7 milyon ABŞ dolları həcmində valyuta ehtiyatı vardı.
Mərkəzi Bankın hesabatına əsasən, ötən ay pul bazası 638,6 milyon manat artaraq 7 milyard 448,9 manata çatıb. Oktyabrın 1-nə göstərici 6 milyard 810,3 milyon manat idi.
