Azərbaycan nefti 2,38 dollar ucuzlaşıb
Dünya birjalarında neftin qiyməti düşüb. AZƏRTAC-ın 1 noyabr məlumatına görə, “AzəriLayt” markalı neftin bir barreli 2,38 dollar ucuzlaşaraq 48,85 dollara satılır.
Nyu-York birjasında “Layt” markalı neftin bir barreli 1,84 dollar ucuzlaşaraq 46,86 dollar, London birjasında “Brent” markalı neftin bir barrelinin qiyməti 1,41 dollar azalaraq 48,30 dollar olub.
Azərbaycan Respublikasının 2016-cı il büdcəsində xam neftin satış qiyməti bir barrel üçün 25 ABŞ dolları götürülüb. 2017-ci ilin büdcə layihəsində isə neftin qiyməti 40 dollar hesablanıb.
Novator.az bildirir ki, bu il “AzəriLayt”ın ən yüksək qiyməti 53,76 dollar olub. Həmin qiymət oktyabrın 11-də qeydə alınıb.
