Moldova: ilk turda sosialist önə çıxdı
Sosialist Partiyasının sədri İqor Dodon Moldovada oktyabrın 30-da keçirilmiş prezident seçkisində önə çıxıb. Novator.az-ın məlumatına görə, ilkin nəticələrə əsasən, İqor Dodon 48,7 faiz səslə liderlik edir. Sağ qüvvələrin vahid namizədi Mayya Sandu 37,9 faiz səs toplayıb.
Digər 7 namizəd arasında ən yaxşı nəticələr Bizim Partiyadan Dmitri Çubaşenko (6 faiz) və Avropa Xalq Partiyasından Yuri Lyankeyə məxsusdur (3,1 faiz).
İkinci turda İqor Dodonla Mayya Sandu mübarizə aparacaq.
2000-ci ildən Moldovada prezidenti parlament seçib. Bu ildən prezidentin ümumxalq səsverməsi yolu ilə seçilməsi üsuluna qayıdılıb. Həmin sistemlə son prezident seçkisi 1996-cı ildə olub.
