Özbəkistan 4 iddiaçı ilə start götürür
Özbəkistanda növbədənkənar prezident seçkisinin təşviqat mərhələsi 35 gün çəkəcək. Kampaniya oktyabrın 30-da başlayıb dekabrın 3-də bitəcək.
Novator.az-ın məlumatına görə, prezidentlik uğrunda 4 nəfər mübarizə aparır: Liberal Demokrat Partiyasından Şövkət Mirziyayev (baş nazir, prezident səlahiyyətlərinin icraçısı), Milli Dirçəliş Partiyasından Sərvər Otamuradov (parlamentin aşağı palatasının sədr müavini), Xalq Demokrat Partiyasından Hətəmcan Ketmonov və Sosial Demokrat Partiyasından Nəriman Umarov.
Növbədənkənar prezident seçkisi dekabrın 4-nə təyin olunub.
Özbəkistana 1989-cu ildən rəhbərlik edən prezident İslam Kərimov 2016-cı il sentyabrın 2-də dünyasını dəyişib. Sentyabrın 8-də baş nazir Şövkət Mirziyayev dövlət başçısı səlahiyyətlərinə yiyələnib. Növbəti prezident kimi ən çox adı çəkilən şəxs odur. 59 yaşlı Şövkət Mirziyayev 2003-cı ildən baş nazirdir.
