Müdafiə sənayesi: nazir rəqəmlər açıqlayıb
Bu ilin doqquz ayında Müdafiə Sənayesi Nazirliyinin müəssisələrində istehsal olunan məhsulların 81 faizini müdafiə və xüsusi təyinatlı, 19 faizini isə mülki təyinatlı məhsullar təşkil edib. Novator.az xəbər verir ki, bunu müdafiə sənayesi naziri Yavər Camalov nazirliyin tabeli müəssisələrində 2016-cı ilin 9 ayının yekunlarına həsr edilmiş səyyar kollegiya iclasında deyib.
Nazir bildirib ki, bu ilin 9 ayında istehsal olunaraq sifarişçilərə təhvil verilən müdafiə təyinatlı məmulatların həcmi ötən ilin müvafiq dövrü ilə müqayisədə 17,6 faiz, çeşidlərinin sayı isə 2 dəfədən çox artıb. Eləcə də ötən ilin müvafiq dövrü ilə müqayisədə mülki məhsul istehsalında 8,2 faiz artım var.
