Gender bərabərliyi reytinqi açıqlanıb
Dünya İqtisadi Forumu qadın və kişilərin hüquq bərabərliyi reytinqini açıqlayıb. 2016-cı ilə aid reytinqdə qadın və kişilərin ictimai, iqtisadi həyatın müxtəlif sahələrində rolu və hüquqları nəzər alınıb.
Novator.az-ın məlumatına görə, 144 ölkənin daxil olduğu reytinq cədvəlində ilk üçlükdə İslandiya, Finlandiya və Norveç yer alır. Son pillələrdə isə Suriya, Pakistan, Yəmən gəlir.
Azərbaycan siyahıda 86-cı yerdə qərarlaşır.
Qonşu ölkələrdən Rusiya 75-ci, Gürcüstan 90-cı, Ermənistan 102-ci, Türkiyə 130-cü, İran 139-cu yerdə dayanır.
Keçmiş SSRİ məkanından Latviya 18-ci, Estoniya 22-ci, Moldova 26-cı, Belarus 30-cu, Qazaxıstan 51-ci, Ukrayna 69-cu, Qırğızıstan 81-ci, Tacikistan 93-cüdür.
